Av
Bent J. Tandstad
Falluja er eit kjerneområde for opprørarar som kjempar mot dei amerikanske styrkane i Irak.
Ein korrespondent for det franske nyheitsbyrået AFP har har snakka med augevitne til angrepet. Dei kan fortelje at minst seks soldatar er drepne, og at åtte er skadde.
Amerikanske militære kjelder stadfestar talet på drepne, men seier at talet på skadde kan vere høgare enn åtte.
Vitna fortel at to amerikanske militærkøyrety stod i brann etter ein kraftig eksplosjon. Amerikanske helikopter frakta drepne og skadde bort frå staden.
Falluja ligg rundt 50 kilometer vest for Bagdad, og området rundt byen blir i stor grad kontrollert av opprørsstyrkar.
Tips andre om denne saken
Utskriftsvennlig versjon
