Irak ber FN om hjelp

Av Bent J. Tandstad

Den britiske FN-ambassadøren, Emyr Jones Parry, seier at styringsrådet vart samde om å invitere FN tilbake til Irak på eit møte i dag.

I går sa FN-diplomaten Lakhdar Brahimi at den mektige sjiamuslimske leiaren ayaatolla Ali al-Sistani har gjort det klart at han ynskjer FN tilbake i Irak.

Ayatollaen distanserer seg også frå kritikken som har vore retta mot Brahimi og FN, og som for det meste har kome frå Ahmed Calabi, ein medlem av styringsrådet som har nær kontakt med det amerikanske forsvarsdepartementet.

Brahimi var sist månad leiar for ei gruppe valekspertar som reiste til Irak for å vurdere om det er mogleg å halde val før 30. juni, slik al-Sistani ynskjer. FN-ekspertane konkluderte med at det er trengst minst åtte månader før valet.