Ny blodig dag i Irak

Det var har vore ein ny blodig dag i Irak. I Khaldiya-området vart tre amerikanske soldatar drepne av ei vegbombe. (Foto: AP-Scanpix)

Av Bent J. Tandstad

I kveld vart tre amerikanske soldatar drepne sør for Bagdad då ei bombe eksploderte medan ei kolonne med amerikanske soldatar passerte. Tre andre soldatar vart skadde i angrepet nær byen Iskandariya, vel 50 kilometer sør for den irakiske hovudstaden.

CNN-team

Det var tolken/produsenten Duraid Isa Mohammed og sjåføren Yasser Khatab som vart drepne i angrepet mot to bilar frå CNN. CNN-teamet køyrde i to bilar, på veg tilbake til Bagdad frå eit oppdrag lenger sør i landet. Dei to drepne sat i bil nummer ein.

Fotografen Scott Mc Whinnie, som sat i bilen nummer to, vart skadd av eit skot i hovudet, medan korrespondenten Michael Holmes kom uskadd frå bakhaldsangrepet.

Tidlegare i dag vart tre amerikanske soldatar og ein sivil irakar drepne i ein bombeeksplosjon i Khaldiya-regionen vest for Bagdad. Ei bombe vart utløyst i vegkanten då ei amerikansk militærkolonne passerte.

Bilbombe

Amerikanske soldatar avverga ein eksplosjon utanfor hovudkvarteret til okkupasjonsstyrken i Bagadad, då dei uskadeleggjorde ei bombe på ein parkeringsplass. Bomba var plassert i ein bil som stod parkert på eit område som blir brukt av fok som vitjar det amerikanske hovudkvarteret.

Sist veke vart 25 menneske drepåne då ei bombe eksploderte ved ein av dei andre inngangane til hovudkvarteret.