Biografiar

Sonja Henie

Publisert 12.12.2000 08:59 - Oppdatert 13.12.2000 10:28

Sonja Henie var med i OL alt i 1924 og vart nr. 8. Ho tok del i NM same året og slo alle konkurrentane, men greidde ikkje krava til å bli meister. Ho blei seinare Noregsmeister 8 gonger i tida 1925-29. Ho fekk 3 olympiske gullmedaljar og ho har vunne 10 verdsmeisterskap og 8 europameisterskap. Hennar personlege stil, -rytmisk og harmonisk,- men samstundes kraftig og fartsfylt fekk nesten ein revolusjonerande verknad på kunstløp som idrett. Før ho blei amerikansk statsborgar hadde ho sentrale rollar i 3 amerikanske filmar. Saman med sin tredje ektemann Niels Onstad oppretta ho ei stor kunstsamling og eit museum på Høvikodden i Bærum.

Kjelde: Store Norske Leksikon og Norsk Allkunnebok