Biografier

Betzy Alexandra Kjelsberg

Publisert 11.12.2000 15:12

Starta på det første 2-årige private artiumskurs for kvinner,men måtte bryte av før eksamen av økonomiske årsaker og fordi ho skulle gifte seg. Ho skaffa seg likevel seinare handelsutdanning.
Kjelsberg var med på å skipe både diskusjonsgruppa Skuld (1883) og Norsk Kvinnesaksforening (1885), og sto seinare som stiftar av fleire kvinneforeiningar i Drammen: Kvinneleg handelstands forening (1894), Drammen kvinnesaksforening (1896), Drammen Sanitetsforening (1894) og Drammen Kvinneråd (1903). I 1899 skipa ho kvinnesaksforeningas husmorskule, som var den første fagskulen i husleg økonomi i Noreg. Husstellsaka opptok henne sterkt, og i 1925-38 var ho styreformann ved Statens lærarinneskule i husstell. Ho satt som styremedlem i Norske Kvinners Nasjonalråd frå starten i 1904, og som leiar i perioden 1922-38
1908 blei ho valt inn i Drammen stedlige fabrikktilsyn, og i 1910 blei ho tilsett som Noregs første kvinnelege fabrikkinspektør. Denne stillinga hadde ho i 25 år, og ho gjorde ein banebrytande innsats på dette området. I mange år fungerte ho og som den norske regjeringa sin representant ved internasjonale arbeidskonferansar i Genevè.
Betzy Kjelsberg var og aktiv i partipolitikken. Ho blei tidleg medlem av Venstre og satt i to periodar i Drammen bystyre. 1926-38 satt ho som første kvinnelege medlem av venstres sentralstyre.

Kjelde: Store Norske Leksikon