Ordføraravklaring i fleire kommunar

Kjell Martin Vikene frå Arbeidarpartiet blir varaordførar.

Sp-kontroll i Surnadal

I Surnadal får Senterpartiet både ordføraren og varaordføraren også dei neste fire åra.

Bergsvein Brøske held fram som ordførar.

Ny varaordførar blir Jenny Elisabeth Klinge, og begge representerer altså Senterpartiet.

4.kandidat blei ordførar

Ronny Harald Blomvik frå Framstegspartiet blir ny ordførar i Sula.
Blomvik sto på fjerdeplass på Frp-lista, men listetoppen Hallstein Skår ville ikkje ta ordførarjobben.

Oddbjørn Øien frå Høgre blir vararordførar.

Sandø ny i Averøy

For første gong i kommunen sin historie får Arbeidarpartiet ordføraren i Averøy.

Det er Kjell Magne Sandø som blir ny ordførar, og med Kristen Leithe frå Framstegspartiet som varaordførar.

Dei to partia er i lag med Høgre samde om ei politisk plattform for den neste fireårsperioden.

Høgre i Herøy

Arnulf Goksøyr frå Høgre blir ny ordførar i Herøy etter Svein Gjelseth frå Arbeidarpartiet.

Varaordførar blir Bjarne Kvalsvik frå Folkelista.

Framstegspartiet, som gjorde eit godt val i Herøy, er med i fleirtalsgrupperinga og får to representantar i formannskapet.

Framleis Høgre i Stordal

Charles Tøsse frå Høgre blir ny ordførar i Stordal.

Tøsse tar over etter Olav Bratland, som og representerer Høgre.

Jonas Falck frå Framstegspartiet blir ny varaordførar.