Hødd vann 4-2 på heimebane mot Løv-Ham torsdag kveld. Etter ein seriestart prega av tap, var sigeren mot bergensarane svært etterlengta.
Hødd leia suverent 2-0 etter første omgang. Kampen enda 4-2 etter at bergensarane slapp til med to mål mot slutten av kampen. Sjølv om tempoet dabba av mot slutten var sigeren krystallklar etter 90 minutt på våt matte.
 |
| Kristoffer Tollås (Foto: Arne Flatin) |
Toppscorar
Midtbanespelaren Kristoffer Tollås signerte tre av dei fire måla på Høddvoll i går kveld, medan angrepsspelaren Nils Ottar Sandø sto for det fjerde. Tollås ligg dermed på andreplass på toppscorarlista i 1.divisjon med fire mål etter femte runde. Daniel Nannskog frå Stabæk leier med seks scoringar.
Reknar med siger
Dette er den andre sigeren for Hødd i vår, etter tre tap. Søndag møter dei Pors på bortebane. Trenar Stig Monsen seier han framleis er optimist, og at han reknar med siger.
Tips andre om denne saken
Utskriftsvennlig versjon