OVERSIKT | NYHETER | SPORT | MUSIKK | UNDERHOLDNING | FILM | LITTERATUR | MAT | BARN | UPUNKT |
Her er du: NRK > Fakta > Religion og livssyn | Oppdatert 02.04.2002 13:03 |
| Ei himmelsk røyst frå Norheimsund Publisert 07.08.2001 11:06 (NPK): -Dei siste åra har eg arbeidd meir og meir med dei religiøse folketonane. Det er songar eg syng med hjartet, seier Åsne Valland Nordli. Med himmelsk balsamI vår kom Åsne Valland Nordli med plata «Himmelske balsam og sødeste drue«, ei plate med salmar av Daniel A. Buli frå Aust-Agder.-Eigentleg kom ideen frå Sigbjørn Tveite i plateselskapet Via Music. Eg kjenner han frå Kirkelig Kulturverksted som gav ut dei to tidlegare platene mine, «Den ljose dagen« og «Julekvad«. Tveite meinte at salmane til Daniel Buli ville vere noko for meg, seier Åsne. -Buli, som var fødd i 1820, skreiv over 470 salmar, og som ung opplevde han stor fattigdom. Dette er tekstar som eg lett kan setje meg inn i, fordi eg opplever så mykje naud i kvardagen min. Hjelpearbeid i RomaniaI over tre år har Åsne og mannen hennar budd i byen Constanta i Romania, der dei arbeider for organisasjonen Ungdom i oppdrag.-Me driv humanitært arbeid blant gatebarn og gamle. Etter overgangen frå planøkonomi til marknadsøkonomi, har desse gruppene falle heilt igjennom. Og stadig fleire ungar trekkjer ut på gata. -Driv de misjonering i Romania? -Eg vil ikkje kalle meg misjonær. Det handlar mest om å vere ein kristen i kvardagen, og me vil ikkje dytte vår eigen kultur på andre. Romania er eit kristent land med gudfryktige folk, og me arbeider saman med pinsevenner i lokalmiljøet. Etter kvart ønskjer me at dei sjølve skal overta hjelpeprosjekta, seier Åsne. Frivillige tenararHo fortel at Ungdom i oppdrag har 15.000 frivillige medarbeidarar i 132 land. Åsne og mannen hennar livnærer seg ved at familie og venner støttar dei økonomisk.-Hjelpeprosjekta blir finansiert av gåver frå private og frå bedrifter, fortel ho. Familien har bestemt seg for å vere to år til i Romania, men då skal dei heim. -Me har to små barn, og dei må få lov til å bli norske. Det er viktig at barna får slå rot i Noreg, og at dei blir trygge på sineigen bakgrunn og identitet, meiner Åsne. Store kulturkontrastarÅsne er i Noreg fem-seks gonger i året for å halde konsertar. Ho fortel at det ofte er ei hard påkjenning å skifte mellom to ulike kulturar på kort tid. Ho snakkar varmt om rumenarane, som er veldig imøtekomande og opne. For Åsne er det menneska i Romania som er det aller viktigaste nett no.-Eg lever veldig intenst, så det blir lite tid til musikk der nede. Dei siste åra har nok musikken vore meir ein hobby for meg. Men eg har eit sterkt ønskje om å lære meg rumensk folkemusikk før eg flyttar heim, seier kvedaren frå Norheimsund. (NPK) |
25.03.2002 10:35 Brevvennen i Shangzhou 23.11.2001 09:39 Savner medmenneskelighet 01.11.2001 15:11 Ingen har patent på å hjelpe 21.09.2001 11:45 Misjonær mellom liv og død 03.09.2001 09:08 Kirken som åpnes med et museklikk 29.08.2001 10:53 Hele verden synger 07.08.2001 11:06 Ei himmelsk røyst frå Norheimsund 07.08.2001 09:40 Lahnstein skal forvalte kirkemilliarder 22.05.2001 13:14 Avholdsmann i fotballrus 04.05.2001 16:18 Seremoni for gode borgere |
Copyright NRK © 2001 - Telefon: 815 65 900 - E-post: info@nrk.no - 03.01.2009 08:23 |