Billettsalget har ikkje tatt av, så det er kanskje for drøyt å påstå at det er cupfeber i Rogaland. Men det er uansett mange som er spente på korleis det går med Bryne og Viking i søndagens semifinalar.
Bryne-bastion
På Bryne Mekanikk Serigstad er leiing og tilsette på same patriotiske golv. I følgje administrerande direktør Hans Jakob Mellgren er Tor Øyvind Skeiseid på besøk hos ein Bryne-bastion.
Sommarfuglar
Ein av mange Brynesupportarar er fabrikksjef Sigve Klakegg. Han stadfestar at mange sommarfuglar flyg rundt i produksjonhallen to dagar før semifinalen. Maskinoperatør Eivind Voll er ein av dei inspirerte. Han ser kvar einaste kamp på Bryne stadion. Når Bryne har slått Lillestrøm står finalen for tur 4. november. Eivind Voll vil helst møta Viking på Ullevaal. Rekneskapskonsulent Tina Håland skal sjå kampen på Stavanger Stadion sundag. Ho håpar Viking tapar.
Torer ikkje sjå Viking spela
I Stavanger sentrum står herrefrisør Henrik Haarr og klipper ein kunde. Han er ihuga Vikingpatriot og nervøs føre oppgjeret mot Odd Grenland på sundag. For han klarar det ikkje. Det er ei alt for stor påkjenning å sitja på Stavanger Stadion og sjå Viking. Vikingsupportaren Henrik Haarr har ikkje sett Viking på stadion på over 25 år.
Jon Olsen, som sit i stolen og blir klippt, tar derimot turen te Stavanger Stadion i ny og ne.
Semifinaleshow på Bryne
Bryne slår på stortromma før semifinalen mot Lillestrøm på Bryne Stadion nå søndag. Fredag kveld er det semifinaleshow på klubbhuset, og på selve kampdagen skal det visstnok skje store ting på Bryne Stadion. Det lover i alle fall marknadssjef Magnar Håland.