Harald Nørve

Harald Nørve er ein av veteranane i NRK og ved distriktskontoret i Ålesund. Tenestetida hans starta med NRKs 2-årige teknikarkurs i 1962 og påfølgjande arbeid som programingeniør i kringkastingas driftsavdeling i Oslo. Deretter gjekk turen til Ålesund, først i samband med eit vikariat i 1966, og så som fast medarbeidar frå året etter.

Ved NRK Møre og Romsdal har Harald Nørve hatt tekniske leiaroppgåver som programinspektør og vore nestsjef i teknisk avdeling. Etter at distriktskontoret i 1996 fekk ny organisasjonsplan, arbeider han hovudsakleg med teknisk avvikling av radioprogram. Nørve har brei erfaring når det gjeld musikkopptak, og jobbar derfor ein heil del med det.

Harald Nørve er frå Langevåg i Sula.