Berit Susanne Kjølås er journalist. Ho er jamt å sjå som programleiar for NRK Møre og Romsdals daglege tv-sendingar, men arbeider som dei fleste ved distriktskontoret både med radio og fjernsyn.
Kjølås var for mange år sidan sommarvikar i kringkastinga i Ålesund. På Lillehammer i 1994 jobba ho i NRKs OL-radio, noko seinare i NRK P1 i Trondheim. Ho var nyhetsredaktør i TV Sunnmøre eit par år, og etter ei tid som journalist ved Sunnmørspostens kontor i Volda, kom ho i 1998 tilbake til NRK Møre og Romsdal.
Berit Susanne Kjølås er cand. mag. med eksamenar i statsvitskap, tysk og journalistikk frå høgskulane i Molde og Volda. Merkantil utdanning har ho frå sekretærlinja ved Otto Treiders Handelsskole i Oslo.
Berit Susanne Kjølås er frå Stranda.