Av
Bent J. Tandstad
Bomba gjekk av like ved bilen deira, medan soldatane var involverte i kamphandlingar i Ramadi, rundt 110 kilometer vest for Bagdad, heiter det i ei fråsegn frå den amerikanske hæren.
Soldatane tilhøyrde det amerikanske marinekorpset.
Opprørarane har stått sterkt i Ramadi-området, og det har vore harde kampar mellom opprørarar og irakiske og amerikanske soldatar fleire gonger sidan krigen starta.
Den amerikanske hæren trur at Abu Musab al-Zarqawi, leiaren for Al Qaida-nettverket i Irak, oppheld seg i Ramadi-området. Trass i fleire operasjonar som har hatt som direkte mål å få tak i Zarqawi, har det ikkje lukkast.
Tidlegare denne veka vart mannen som blir rekna som Zarqawis nestkommanderande, Abu Azzan, drepen av amerikanske og irakiske soldatar i hovudstaden Bagdad.
Over 1900 amerikanske soldatar er drepne i Irak sidan starten på krigen i 2003. Bomber i vegkanten har teke flest amerikanske liv i Irak. (NRK-Reuters)