Av
Kjetil Malkenes Hovland
Fredag var leiar i Kristeleg Folkeparti Valgerd Svarstad Haugland i nettmøte på NRK.no.
Ho var også med i utspørjing på radioen.
Høyr partileiar-utspørjinga av Valgerd Svarstad Haugland i Her og Nå.
Eitt av spørsmåla var korleis Haugland taklar det å vere pressa sitt "favoritt-offer", ei rolle spørsmålsstillaren meinte Torbjørn Jagland og Anne Enger Lahnstein har hatt før.
|
KrF-leiar Valgerd Svarstad Haugland var i nettmøte på NRK.no fredag. |
- Det går nok inn på meg, men det gjelder å ikke "deppe". Ukrutt forgår ikke så lett. Så lenge jeg tror på det jeg kjemper for og har kreftene i behold kommer jeg til å stå på, svarte KrF-leiaren.
- Homofili er ikkje sjukdom
Ein potensiell KrF-veljar meinte det verkar som om KrF har ei negativ haldning til homofile, og stilte spørsmål ved partileiaren sine "uheldige" utsegner som ho har trekt tilbake tidlegare.
- Eg har hatt nokre vanskelege oppslag, det er sikkert, svarte Valgerd Svarstad Haugland på NRK.no.
- Men ofte er det fordi journalisten ikkje vil ta med mine nyansar. Eg meiner at helbredelse høyrer heime i forhold til sjukdom. Homofili er ikkje sjukdom. Eg kjenner fleire som har levd som heterofile eller homofile og seinare skifta legning. Slik endring kan vi ikkje fornekta at skjer. Elles meiner eg at folk får ta sine eigne val i høve til samlivsform. Eg respekterer andre sine val. På eit punkt er eg ikkje til å rokka. Lovverket for adopsjon må leggja til grunn at borna har rett på ei mor og ein far.
Les svara til partileiarane
Dette er valets einaste partileiar-utspørjingar. Etter kvart intervju har partileiarane svart på nettbrukarane sine spørsmål på nrk.no.
Frå før har Carl I. Hagen, Åslaug Haga, Lars Sponheim, Kristin Halvorsen, Jan Petersen, Jens Stoltenberg og Torstein Dahle gjesta partileiarutspørjinga og nettmøte på NRK.no.