Fjogning CD-en er ein såkalla CD-extra. Har du ein vanleg CD-spelar er dette som ein vanleg lyd-CD, du kan spele dei 19 lydkutta på vanleg måte.
Men CD-en inneheld òg fem videosnuttar. For å spele dei treng du ein PC med CD-ROM. Avspelingsmenyen skal starte automatisk når du matar Fjogning CD-en inn i datamaskina.
Dersom du ikkje får opp nokon meny – sjølv etter å ha venta tolmodig eit halvt minutts tid – kan du prøve å starte menyen manuelt. Korleis du gjer det, varierer litt avhengig av programvaren som fins på PC-en din. Det vanlegaste er at du opnar 'min datamaskin' som ligg på skrivebordet ditt.
Deretter dobbeltklikkar du på ikonet for CDROM-spelaren, det er gjerne stasjon D: eller E: og skal vera merka med 'Fjogning'. No skal det openbera seg ei liste av datafiler, og du dobbeltklikkar på fila som heiter 'start'.
Dersom du vil avbryte avspelinga av ein video, trykker du på 'Esc'-knappen på tastaturet.
Ønskjer du å spele lydfilene som ligg på CD-en på datamaskina di, må du starte CD-spelaren manuelt. Den finn du vanlegvis på starmenyen under 'Tilbehør' og 'Multimedia' eller 'Underholdning'.
Tips andre om denne saken
Utskriftsvennlig versjon