Eit eksklusivt jubileum blei feira 15. mars. Då var det 100 år sidan Rolls Royce blei grunnlagt.
Av Gry Eirin Skjelbred og
Ragnar Lurås
Ikkje alle er klar over det, men 15. mars var det eit eksklusivt jubileum. Denne dagen var det nemleg 100 år sidan Rolls Royce blei grunnlagt.
|
Dette er ei "Flying Lady" ei dame som står framme på panseret. Foto: Gry Eirin Skjelbred, NRK. |
Nå er kanskje ikkje dette eit jubileum som bileigarar med småslitte bruktbilar kjem til å feire så voldsomt, og ikkje er det så mange som eig Rolls Royce heller.
Mykje handlaga i Rolls Royce
Men på Ulefoss bur Niels Skov Jørgensen, og han har ein Silver Shadow som han kvart år kjører både kona og brudepar rundt om på telemarksvegane.
For Skov Jørgensen er det ein gutedraum han har fått realisere, då han kjøpte Rolls Roycen frå 1967.
- Dette er mykje som er handlaga i denne bilen, seier han.
|
Det er mykje som er laga for hand i ein ekte Rolls Royce. Foto: Gry Eirin Skjelbred, NRK. |
Reparerte bilar for andre
Skov Jørgensen dreiv tidlegare ein karosseriverkstad der han reparerte bilar for andre.
- No har eg fått ein bil som er laga berre for meg, seier han.
Og sjølv om bilen er frå 1967 er det masse elektriske ting i bilen, blant anna air condition. Her kan du høyre reportasjen til Gry Eirin Skjelbred.
|
Dette er ein Rolls Royce 1967 modell. I år er det 100 år sidan Rolls Royce blei grunnlagt. Foto: Gry Eirin Skjelbred, NRK. |