- SV og Høgre vinn valet

Publisert 10.09.2001 09:13 - Oppdatert 17.09.2001 11:10

Torstein Dahle har markert seg godt, seier valforskar Bjarne Kristiansen. Han og Frank Aarebrot blir intervjua av Trond Vestre. [Real]

Arne Sortevik, Framstegspartiet

Valforskarane Frank Aarebrot og Bjarne Kristiansen meiner at Torstein Dahle frå RV og Arne Sortevik frå FrP er dei personlege vinnarane i valgkampen i Hordaland. Dei peiker på at Framstegspartiet har gjort ein langt betre valgkamp her i fylket enn på riksplan.

Høgresida vinn

Rein talmessig er høgresida den klare vinnaren, seier Kristiansen. Høgre har stor framgang i høve til stortingsvalet i 1997. Men verken Venstres Lars Sponheim frå Ulvik eller Senterpartiets Rune Skjælaaen har hatt særleg sjanse til stortingsplass på meiningsmålingane.

Innspurten kan hjelpe

Bjarne Kristiansen minner likevel om at Venstres gode valresultat for fire år sidan skjedde etter valkampinnspurten. På same vis trur Kristiansen at AP nok får eit noko betre resultat enn det meiningsmålingane før valet har vist.

Kanskje i år?

Aarebrot hevdar at tunge rikspolitikarar som Oddvar Nilsen frå Høgre og dei to statsråda Olav Akselsen og Grethe Knudsen frå Arbeiderpartiet har vore overraskande anonyme. På same vis som ved siste stortingsval har RVs Torstein Dahle ein god sjanse til å komme på Stortinget. Den gongen gjekk det ikkje, men kanskje i dag?