Kari Heimen skearru «Historier – Vi hentes hjem» muitala su soga muitalusa 1800-logus dássážii.
Heimen skearrus leat olu govat – Daid it oainne Spotifys
Dál lea «Historier – Vi hentes hjem» almmuhuvvon.
Muitalusa mii soaitit jo dovdat. Dáruiduhttin, biehttaleapmi ja de maŋážassii seanadeapmi.
Skearru álgá dáruiduhttinproseassain, ja loahpas de máhccá Kari ruoktot.
«Mun dovddan ahte lean boahtán ruoktot. Ahte lean seanadan, ilus ja čeavlái. Sápmelaš, ja norgalaš.»
Skearrus oainnát boares govaid Kari bearrašis ja sáhtát lohkat oanehis muitalusaid juohke lávlaga birra.
Son háliidii fas boktit dan dovddu mii sus alddis lei ovdal, go guldalii skearru ja logai covera.
Dáid govaid it beasa oaidnit rávdjenbáikkiin, nu go Spotifys ja Tidalas.
Su mielas berrešedje rávdnjenbáikkit várret saji dáidda muitalusaide ja govaide.
Hástalusat
Juoigi, buvttadeaddji ja musihkkaprofessor Frode Fjellheim muitala ahte son oaidná seamma hástalusaid go Heimen.
Go rávdnjenbáikkit eai várre saji, de fertejit artisttat gávdnat eará vugiid juohkit dieđuid. Dat, gii govssahallá, lea guldaleaddji gii ii oaččo dáid dieđuid sallasis nu go galggašii.
Heimen lea iežas neahttasiidui bidjan LP-olggoža, vai buohkaide lea vejolaš geahččat govaid ja lohkat lávlagiid birra. Dan gávnnat dás.
Dađibahábut mii eat fáhten Spotify dahje Tidala ságaide.
Ansvarlig redaktør: Vibeke Fürst Haugen
Nettsjef: Hildegunn Soldal