Svein Smørdal er redaksjonssjef og nestkommanderande i NRK Møre og Romsdal. Smørdal har over tjue års fartstid ved distriktskontoret. Mesteparten av tida har han jobba som journalist og vaktsjef, ei tid var han også teknologisjef. Før han kom til NRK, var han redaktør av Vikebladet i Ulsteinvik.
Voldingen Svein Smørdal tok lærareksamen i heimbygda og var lærar i Hareid og Haram før han kasta seg ut i journalistikken. Som redaksjonssjef har Smørdal det daglege ansvaret for alle dei redaksjonelle medarbeidarane ved NRK Møre og Romsdal.