Máŋga čuohte miellačájeheaddji čoahkkanedje departemeantta olggobeallái Akersgatas, Oslo gávpotguovddážis dán vuossárgga.
Beal golmmas mannan ija álge bolesat guoddit olggos dan 13 ákšunistta Oljo- ja energiijadepartemeantta feaskáris.
Nuorat besse iđđes giddagasas ja leat diibmu čieža rájes fas akšuneren.
Otná miellačájeheamit Oljo- ja energiijadepartemeantta olggobealde
Departemeantta olggobealde gullojit čurvestagat nugo «ČSV».
Miellačájeheadjit giddejedje sisabeassama Oljo- ja energiijadepartemeanttai.
Sii čohkkájedje lahkalagaid vai bivvet.
– Sáhttit čohkkát dás olggobealde vaikko agibeaivve, lea nu ahte OED ii bargga dan maid galget Fovsen-áššis, lohká Hætta Isaksen.
Maiddái máilmmibeakkán birasaktivista Greta Thunberg lei vuostálastimin departemeantta olggobealde.
Muhtimat ledje čohkkán departemeantta olggobealde 02.00 rájes. Nubbii miellačájeheaddji buvttii sidjiide borramuša.
Vuossárgga ovdalgaskabeaivve fas álge politiijat guoddit ákšunisttaid eret Oljo- ja energiijadepartemeanttas.
Politiijat dieđihedje Twitteris ahte áigot čorget Keysers gate, mii lea Akersgata ja Munchs gate gaskkas Oslos.
– Mii dahkat dán dáhkidan dihte ahte bargit besset iežaset bargosadjái. Mii leat gohččun ja ávžžuhan mellačájehedjiid sirdit muhto dan eai leat čuovvulan, čállet politiijat Oslos Twitteris.
Oljo- ja energiijaministtar Terje Aasland lohká DSS fertet árvvoštallat departemeanttaid sihkkarvuođa.
– Lean gal ollesáigge lohkan ahte ráfálaš fuomášumit lea buorre demokratiijai, muhto dat mii guoská dáhpáhusaide miellačájeheddjiid olis, dat lea DSS ovddasvástádus árvvoštallat, lohká Aasland.
Ministtar ii sáhte lohkat man guhkes áigge ain manná ovdalgo Fovsen-áššái jáhkká čovdosiid gávdnat.
NSR Nuorat ja Luondu ja Nuorat miellačájeheadjit eai dohkket ahte bieggamillot Fovsenis, Trøndelágas, ain bissut ceaggut maŋŋel Alimusrievtti duomu.
Sii ceggejedje lávu gáraša lusa Akersgatas.
Máŋggas ledje gidden iežaset gehtegiiguin departemeantta olggobealde.
Miellačájeheamit departemeantta olggobealde ain jotket vuossárgga maŋŋelgaskabeaivve.
Ansvarlig redaktør: Vibeke Fürst Haugen
Nettsjef: Hildegunn Soldal