Marius Nilsen lea Gáŋgaviikka gielddapolitihkkár, ja ovddasta Guovddášbellodaga.
Su mielas vuosttilda boazodoallu huksenplánaid menddo árrat.
Nilsen ja eará gáŋgaviikalačča ledje gieskat bovdejuvvon čoahkkimii.
Fertejit go dát čáhkket saji?
Son áiggošii oasi bohccuid eatnamiin.
Bohccuid bealušteaddji biekkaid siste
Svein Skudal Aase ja St1 Norge AS dat lei dáhtton ealáhusaid ja eará berošteaddjit boahtit Donjevuona servvodatvissui.
Dárogillii gohčoduvvo čoahkkin «samrådsmøte».
Ulbmil lea muitalit plánaid birra ja oažžut rávvagiid guovllu ealáhusain.
Ja St1 Norges leat stuorra plánat.
Dá lea Rovrorášša Čorgašis.
Deike ja Vuokkaráššii áiggošii St1 Norge cegget gaskal 75 ja 150 bieggaturbiinna.
Čorgaš lea Norgga davimus nannán.
Bieggafápmorusttetguovlu lea merkejuvvon ruoksadin.
Davit merkejuvvon guovlu lea Vuokkarášša, ja máttit fas Rovrorášša.
Skeavvonjárga lea smávva giláš Deanuvuonas. Birrasii 50 olbmo ásset doppe, ja sii sáhttet gártat lagamus kránnján bieggáfápmorusttegii.
Jus rusttet ásahuvvo, de oidnet ássit turbiinnaid.
Olav Nordstrand lea eallinagi ássan Skeavvonjárggas.
«Sis jávket viiddis guovllut. Ássiide gal šaddá dát dušše hehttehussan. Ja riggodat mii bođeš, boahtá earáide buorrin, ii midjiide goittot.»
Inge Nygård:s gal leat vuordámušat.
Gáŋgaviikka gielddas lea áiddo álggahuvvon ealáhussearvi, ja sii leat jo gulahallan St1 Norge ovddasteddjiiguin.
Nygård lea ealáhussearvvi jođiheaddji.
«Go álget hukset, de sáhttá dát buktit ođđa bargosajiid ja dietnasa Gáŋgaviikka ealáhusaide. Dás lea sáhka miljárddaid birra.»
– Gieldda ealáhusat vardet njulgestaga. Gáŋgaviikka gielddas leat fas rabas hávit. Danin sáhttet huksendoaimmat buktit ovdáneami olu surggiin, dadjá Nygård.
Son lei maid St1 Norge čoahkkimis.
«Go lea positiivvalaš miellaguoddu, de lea maid álkit bargat ovttas, ja dat buktá goabbat beliide buriid.»
Ellinor Guttorm Utsi gal ii oainne makkárge buriid.
Son lea Čorgaša orohaga čálli.
Bieggafápmodoaimmat váldet guotteteatnamiid, dadjá Utsi. Son lohká maid ahte St1 Norge buktá giellásiid.
«Dan maid sii dás leat muitalan, leat giellásat. Min orohat ii leat miehtan masage. St1 ii sáhte eaŋkil badjeolbmuiguin šiehtadit.»
Svein Skudal Aase ii loga sáhttit muitalit geainna St1 Norge lea šiehtadan.
Seammás sávai son beassat deaivvadit olles Čorgaša stivrrain.
«Son einnosta ahte bieggafápmorusttet sáhttá leat álggahuvvon ja doaimmas 2029:s. Son lea sunnmørelaš ja optimista. Jáhkká ahte dan lea vejolaš dáhkat.»
«Váikkuhusguorahallan boahtá muitalit ahte ealáhussii eai heive bieggamillut guottetbáikkiide. »
Ođasredaktevra
Jan Roger Østby
Ansvarlig redaktør: Vibeke Fürst Haugen
Nettsjef: Hildegunn Soldal