Kassett fri for støv

Ingeniøren Lou Ottens fann opp den aller første kassetten, lansert i 1963.

Han jobba i selskapet Philips heile si karriere.

Han blei 94 år gamal og døydde i heimlandet Nederland i 2021.

Men kassetten lever vidare.

I år fyller lydmediumet 60 år.

Artistar som Arctic Monkeys og Harry Styles løfta kassettsalet i Storbritannia til det høgste nivået på to tiår i 2022.

I 2012: 3.823 selde kassettar. I 2022: 195.000 selde kassettar.

I USA blei det selt 440.000 i 2022, som er meir enn året før.

Bjørn-Ivar Helland frå Mo i Rana er ein av Noregs einaste DJ-ar som berre brukar kassettar.

Det starta som er artig greie på Træna-festivalen i 2016.

– No har det tatt av. Det er rett og slett så stor førespurnad at eg frå i haust av kunne ha levd av dette.

På ei normal speling har han med seg 700 kassettar som han har fordelt i ulike koffertar.

Sjølv eig han rundt 5.000 kassettar. Mange av dei kjem frå loft og bruktbutikkar.

Og nei, det er ikkje for det meste nostalgikarane som spør han om å spele.

– Dei som verkar å vere mest glad for dette er dei unge i begynnelsen av 20-åra, seier han.

Hos platebutikken Big Dipper har interessa vore så stor at marknaden hadde sug for moderne kassettspelarar.

Slike som ein kan lade opp og kople til bluetooth.

– Det har vi fått inn til Noreg for nokre veker sidan, og har vore ein kjempesuksess hos oss, seier Andreas Leine Jakobsen.

– Eg trur ein del menneske har fått ein bevisstheit rundt det at strøymetenester er ei form for leige av musikk, seier han.

Og kanskje har folk lyst til å ta del i kunstverket på ein annan måte.

– Det har ein eigen, ganske mjuk lyd. Ein slags susing i bakgrunnen.

Det kan ein takke magnetbanda for, som her blir produsert i det nordlege Frankrike i 2019.

Lyd-ekspert Geir Ove Gråbein trur det er trendsettande ungdom som sørger for at det skjer. Og tilfredsstillinga ved å gjere noko aktivt for å få lyd.

– Det er kult, men det er ikkje på grunn av lydkvaliteten at kassetten kjem tilbake, det er heilt sikkert.