Zoomar inn på mikromonster

Mygglarvar, grønalgar og ørsmå skaldyr er blant vesena som er filma på kloss hald av 27-år gamle Clemens Wirth frå Innsbruck i Austerrike.

Hovudpersonane i Wirths film er alle vasslevande småkryp som er filma i sitt naturlege miljø i vatn frå innsjøar og dammar eller vatnet frå fisketankar.

Gjennom mikroskopet gir Wirth oss tilgang til ei mikroskopisk verd der ingen av skapningane er større enn eit par millimeter.

På Vimeo-sida si fortel With at han er ein entusiast for små ting, og at han hadde eit ønske om å gå djupare enn makrouniverset.

– Det er verkeleg fascinerande kor detaljert denne ørsmå verda er, fortel han.

• Les også: Alger kan gi geniale solceller
• Les også: Mikromonstra omkring deg

– Mikroskopi ei utfordring

Videoen er laga med eit Canon 5D Mark II-kamera kopla til eit mononukulart mikroskop (med berre eit kikhol).

– Den verkelege utfordringa var definitivt det låge djupneskarpleiken i mikroskopi, fortel Wirth.

I mikroverd-videoen har Wirth nytta såkalla dark field-mikroskopi. Dette er ein metode der ein kan ekskludere alt anna lys enn det lyset som blir sendt tilbake frå sjølve objektet ein filmar.

• Les også: Se hvem som bor hjemme hos deg

Teknikken får dei små vasslevande vesena til å framstå som om dei svever omkring i mørke omgivnader.

– Heile prosessen med å lage videoen tok om lag eit halvt år, fortel Wirth til Huffington Post.

Om du skulle få motvilje mot å drikke vatn etter dette, er det ingen grunn til det.

– Slapp av, du finn ingen av desse livsformene i ferskvatn eller drikkevatn, seier Wirth.