Taranteller avdekker hjernens fryktmekanismar

Vi menneske er programmert til å frykte store, hårete edderkoppar.

Nettopp difor har engelske forskarar ved University of Cambridge funne ut at taranteller er ideelle for å studere frykt hos menneske.

I ein studie som er publisert i PNAS (Proceedings of the National Academy of Sciences of the United States of America) , har Dean Mobbs og hans kollegaer brukt funksjonell MRI til å sjå hjernens respons på frykt for taranteller hos 20 frivillige forsøkspersonane.

• Les også: Hjelp, nå er de her igjen

Edderkopp i boks

Medan forsøkspersonane låg inne i magnettomografen, vart dei bedne om å stikke foten sin inn i ein boks.

Dei fekk så sjå ein påstått live video av ein edderkopp som var plassert ein stad i denne boksen.

Nokre gonger lét forskarane edderkoppen nærme seg forsøkspersonen sin fot, medan i andre tilfelle gjekk han i motsett retning.

I røynda eksisterte tarantellen berre på film, men dette visste ikkje forsøkspersonane.

• Sjå videoen som vart vist til forsøkspersonane her:

Kaskade av fryktrespons

Hjerneskanninga avslørte ein kaskade av fryktrespons i hjernen til forsøkspersonane.

Når edderkoppen nærma seg, vart det større aktivitet i fleire område som utgjer hjernens fryktnettverk.

• Les også: Verdas sterkaste edderkoppnett

Blant områda som lyste opp i hjernen til forsøkspersonane var eit område kalla det peri-aquaduktale grå, det mandelforma amygdala, og ein kjerne i stria terminalis.

Amygdala er frå før kjent for å spele ei nøkkelrolle i behandling og hukommelse av kjenslemessige reaksjonar, som til dømes frykt.

Faren over

I det tarantellen fjerna seg, såg forskarane aktivitet i eit anna område i hjernen kalla orbitofrontal cortex, som er den delen av pannelappen som ligg ned mot augehola.

Aktivitet i orbitofrontal cortex såg ut til å signalisere at faren var over.

Forskarane håper at meir innsikt i hjernens fryktmekanismar kan hjelpe menneske med fobiar.

Kanskje det nettopp er forstyrringar i området som slår av frykt som gjer at nokre menneske aldri sluttar å vere redd for til dømes edderkoppar.

Sjå Newton-innslag: Kurerer edderkoppskrekk med tarantell.