Fly verda rundt på 60 sekund

Har du drøymt om å sveve over jordkloden?

Ein video sett saman av naturfaglæraren Frank Drake gir deg eit inntrykk av korleis utsikten til jordkloden er frå den internasjonale romstasjonen, ISS.

• Les også: Dette er årets beste astronomibilete
• Les også: Se solsystemet i 3D

Frå natt over Stillehavet til dag i Antarktis

Heile 600 stillbilete tekne frå den internasjonale romstasjonen er sett saman til ein eit minutt lang video.

Vi startar om natta over Stillehavet og flyr over Nord- og Sør-Amerika. På vegen ser vi lyset frå fleire store byar.

Lynglimt frå toreversskyer over Stillehavet lyser også svært tydeleg opp i mørket.

Ferda tek slutt i det vi når dagslyset ein stad nær Antarktis.

• Les også: – Sånn ser et stjerneskudd ut fra verdensrommet

Dette er byar, land og landemerke som er synlege i videoen (i rett rekkjefølgje):

• Vancouver Island
• Victoria
• Vancouver
• Seattle
• Portland
• San Francisco
• Los Angeles
• Phoenix
• Fleire byar i Texas
• New Mexico
• Mexico
• Mexico City
• Mexicogolfen
• Yucatán
• Guatemala
• Panama
• Colombia
• Ecuador
• Peru
• Chile
• Amazonas.

Den tynne gule linja vi ser over jordkloden er jordas ionosfære, den øvste delen av jordatmosfæren.

• Les også: – Mengden romsøppel har nådd et vippepunkt
• Les også: 325 sekunder senere eksploderer romfartøyet

Database for astronautfoto

Bileta har Drake lasta ned frå nettstaden The Gateway To Astronaut Photography of Earth, som er ein database som inneheld bortimot alle bilete tekne frå rommet.

Bileta i databasen er søkbare på region og dato.

Drake har brukt gratis programvare kalla VirtualDub for å setje dei fleire hundre bileta saman til den flotte videoen.

For oss som ikkje har utsikt til å bli astronautar, er denne databasen ein fin sjanse til å sjå jorda frå ein annan vinkel enn det som er mogleg frå vår kjedelege ståstad på bakken.

• Les også: Romfergestans forsinker "kjøkkenhage" på Mars