Her kjem dei
Symesterskapet 2021
For fyrste gong er det heile 12 deltakarar som skal kjempe om å bli noregs beste amatørsyar.
Dei har ulik bakgrunn, men ein viktig ting felles - dei elskar å sy! Bli kjent med denne fargerike gjengen, der alle vil bli vinnaren og imponere dommarane Jenny Skavlan og Andreas Feet! Christine Hope er framleis programleiar, og syarane sin «gode hjelpar og ven»
På vegen får deltakarane utfordringar dei aldri hadde tenkt på, dei blir bestevenner, og innser at den aller argaste konkurrenten er dei sjølve.
Her er dei:
Marianne frå Alta, lærar
Marianne Wilhelmsen (39) elskar å utfordre seg sjølv med syprosjekt ho ikkje veit om ho greier. Det passar utmerkt i Symesterskapet!
Dette seier Jenny, Christine og Andreas om Marianne:
Roberto frå Chile/Moss, helsearbeidar
Roberto Espinoza (59) har alltid vore interessert i klede og mote, og han har sydd sidan han var liten. Roberto har hatt fleire motebutikkar i Chile.
Dette seier Jenny, Christine og Andreas om Roberto:
Zenab frå Oslo, lærar
Zenab Mahmood (34) blei motvillig sendt på sykurs då ho var 15 år, men elska det! Ho likar å følge med på mote og design. To barn og eit sterkt miljøengasjement, gjer òg til at ho syr meir og meir.
Dette seier Jenny, Christine og Andreas om Zenab:
Ida frå Fredrikstad, ingeniør
Ida Evenrød (37) begynte å sy fordi ho ikkje fann det ho ville ha i butikkane, og så oppdaga ho kor utruleg tilfredsstillande det er å skape noko sjølv. Ida bur på Tøyen i Oslo.
Dette seier Jenny, Christine og Andreas om Ida:
Gro frå Oslo, prosjektleiar
Gro Marwold (62) lærte å sy av mormora si, og ho syr mesteparten av sin eigen garderobe. Ho tek 20-bussen i Oslo når ho skal på ferie til hytta si i Oslo.
Dette seier Jenny, Christine og Andreas om Gro:
Turi frå Stavanger, arkitekt
Turi Rudningen Galta (43) er sin eigen kreative herre på syrommet. Det er ho ikkje i like stor grad på arkitektkontoret. Turi vil sy i ekte og naturlege materiale og det må helst vere gjenbruk. Ho hadde barndommen sin i Hallingdal.
Dette seier Jenny, Christine og Andreas om Turi:
Veronika frå Austevoll, dagleg leiar
Syrommet er fristaden til Veronika Møgster (43). Ho går i klesbutikkar for å gruble på korleis plagg er sett samman for så å gå heim og lage dei sjølv. Veronika likar å ha sy-utstyret i orden.
Dette seier Jenny, Christine og Andreas om Veronika:
Emanuel frå Oslo, dansepedagog
Emmanuel Waal Hem(35) har alltid sydd litt, og liker å vere kreativ på mange felt, men i det siste har det tatt litt av. Kanskje skal han sy mykje meir framover?
Dette seier Jenny, Christine og Andreas om Emanuel:
Guro frå Svarstad i Vestfold, digital designar
Guro Lindahl Flåten(30) har prioritert sying i det siste, og oppdaga at di meir ho syr, di meir fornøyd blir ho med seg sjølv. Ho elskar det handfaste resultatet av å sy. Guro bur i Oslo.
Dette seier Jenny, Christine og Andreas om Guro:
Åshild frå Stord, hotellsjef
Åshild Titland (21) si interesse for sying tok av på videregående. Endeleg følte ho at ho meistra noko veldig godt. Ho vil lage moteplagg som varer. Åshild bur for tida på Vega.
Dette seier Jenny, Christine og Andreas om Åshild:
Tarjei frå Tromsø, sjukepleiar
Tarjei Robertsen(26) begynte å sy fordi han ville reparere kleda sine sjølv, utan å måtte spørje mamma, men så arva han symaskin og då berre balla det på seg.
Dette seier Jenny, Christine og Andreas om Tarjei:
Margrethe frå Sola, lege
Margrethe Oma (30) fann ut at plagg sat mykje betre på kroppen viss ho sydde dei sjølv. Dessutan går det mykje fortare å sy gåver, enn å strikke dei. Det måtte bli sying på Margrethe. Ho har nyleg flytta til Volda.
Dette seier Jenny, Christine og Andreas om Margrethe:
Sesongpremieren er klar i NRKTV søndag 12. september klokken 06:00, og på NRK1 samme kveld 19:50.