Det er Bt.no som viser til ein epost fylkesordførar Jenny Følling har sendt til styreformann Reidar Sandal og administrerande direktør Dagfinn Neteland. Eposten fekk dei like før dei skulle orientere fylkesutvalet. Her skal Følling ha lagt klare føringar for kva dei skulle informere om.
Følling skriv :«Eg reknar med at de i orienteringa held dykk til det selskapsspesifikke og ikkje går inn på den fylkeskommunale eigarsaka».
- Les også:
– Ikkje eit ønskje frå Arbeidarpartiet
For fylkesvaraordførar og tidlegare fylkesordførar Åshild Kjelsnes i Ap er dette svært merkeleg.
– Det stiller vi oss undrande til i Ap for det var ikkje noko signal som kom frå vår side. Tvert i mot ønskte vi å få ein best mogeleg dialog med selskapet når det var lagt fram ei tilråding. Det meiner vi dei hadde både ein rett og ei plikt til etter aksjelova.
– Kvifor vart det ikkje gjort?
– Det må du spørje fylkesordføraren om.
Krav om lovlegheitskontroll
Kjelsnes vil ikkje uttale seg om kor fornuftig det er av fylkesordføraren å legge slike føringar før eit så viktig møte.
– Det får fylkesordføraren uttale seg om.
– Ville du ha gjort det då du var fylkesordførar?
– Eg har heile vegen prøvd å legge til rette for ein god dialog. Det har ikkje alltid vore like enkelt ut frå det mandatet som vart vedtatt.
- Les også:
No ønskjer partiet kontroll om vedtaket av salet er i tråd med lova.
– Arbeidarpartiet saman med SV, Venstre og Miljøpartiet kjem til å be om ein lovlegheitskontroll i løpet av få dagar. Det kravet vil bli overlevert fylkesordføraren om kort tid, seier Kjelsnes.
Fylkesordførar Jenny Følling avviser at innhaldet i eposten er kritikkverdig.
– Det var nettopp det eg prøvde å gje uttrykk for i eposten, og sa at ein måtte halde seg til det selskapsspesifikke. Det betyr og at ein kan snakke om eigarskapen, men med selskapet sine auge. Så her er det ingen er avskorne frå å kome med si meining, seier Følling.