Vil ha dyrare chips og brus

Han syner til at nesten 20 prosent av 8-9 åringar har overvekt eller fedme, og hushaldningane brukar i gjennomsnitt 20 prosent av matbudsjettet til søtsaker.

Han meiner difor vi bør innføre matvareskatt på varer som chips, brus, rødt kjøtt, pølser og pommes frites. Han viser til ein amerikansk studie som har fylgt matvanane til menn og kvinner i fire år. Brus og chips var begge varer som førte til vektauke hjå desse personane.

– Subsidier sunn mat

Desse matvarene gir også auka risiko for hjarte- og karsjukdomar og kreft, også hjå dei som ikkje er overvektige.

– Pengane som kjem inn kunne vi ha brukt til å subsidiere sunn mat, eventuelt gi skuleborn eit veldig sunt måltid kvar dag, seier Andersen.

Helsesøster og fagleg leiar ved Førde helsestasjon, Lillian Vassbotten, meiner førebygging er det viktigaste for å bekjempe overvektsproblemet, men at Andersen sitt framlegg kan vere eit viktig steg i rett retning.

– Livsstilendring er vanskeleg

Ho seier og at: I dei familiane der det er etablert eit fedmeproblem, er det vanskeleg å få til ei livsstilsendring, og det krev mykje av heile familien.

Matvarene er lett tilgjenglege, og både Andersen og Vassbotten meiner sjølve kosen ikkje berre er sett av til ein dag lenger. Vi kosar oss meir og kjøper meir usunne matvarer.

John Roger Andersen meiner idéen hans om å gjere usunne matvarer dyrare er fullt mogeleg å gjennomføre dersom politikarane vågar.

– Men då treng vi politikarar som ikkje berre ser fram til neste val, dei må sjå fram til neste generasjon.