Styret i Skei Hotel ynskjer å kjøpe bjørnen som vart skoten i Fjærland.
Video:
Styremedlem Hallvard Viken seier han allereie har sendt brev til Direktoratet for naturforvaltning med ynskje om å få kjøpe rovdyret for så å stoppe det ut.
Hotellet ynskjer å stille han ut på ein sentral plass i hotellet.
Serverer gjerne bjørnekjøt
Ved Brevasshytta i Fjæraland, ikkje langt frå der bjørnen vart skoten, serverer dei gjerne bjørnekjøt dersom dei skulle få tak i det.
- I lag med Kokkenens Mesterlaug i Sogn og Fjordane kjem til å by på kjøtet. Då får folk høve til å smake bjørnekjøt, seier Gerd Bøyum ved Brevasshytta til Sogn Avis.
Også ordførar i Sogndal, Jarle Aarvoll vil gjerne ha tak i bjørnen og har alt vore i kontakt med Fylkesmannen om prosedyrane for å få overta skinnet.
- Bjørnen er staten sin eigedom, skinnet skal til Statens Naturoppsyn i Trondheim, men me vil be om å få skinnet, seier han til Sogn Avis.