Sild i ulike variantar er ein del av mattradisjonen over heile Skandinavia. Tomatsild og sursild er to klassikarar no til jul. Silda treng eit par døgn i kjøleskap før den er klar til prøvesmaking.
- «Et sild, så blir du snill», er slagordet frå Lindstrøm. Du får dessutan «pene øya» av å ete rå løk, avslører sildeentusiasten frå Lofoten.
Oppskrifta på Steinar si tomatsild
- 3 stykk kryddersildfilet
- 50–60 gram tomatpure
- 2,5 dl rapsolje
- 1,5 dl sukker
- 0,5-1,0 dl vatn
- ca. 0,5 dl eddik (7 prosent)
- 1 ss finhakka frisk dill
- 1/2 finhakka lauk
- Grovmalen, svart pepar
Slik gjer du det
Skjær kryddersildfiletane i bitar og finhakk lauken. Ha olje i ei kasserolle og varm den opp. Tilsett tomatpure og lat den koke opp.
Ha i sukkeret og rør til det smeltar. Avkjøl sausen og ha i vatn og eddik. Smak til med pepar.
Legg sild, lauk og dill lagvis i eit glas eller ei krukke. Frisk finhakka dill gjer susen. Hell over tomatsausen og lat det stå i kjøleskap i eitt til to døgn.
Oppskrifta på «Mormors sursild»
- Ca. 400 gram utvatna spekesild
- 1 dl eddik (7%)
- 2 dl vatn
- 1,5 dl sukker
- 1 lauk
- 1 pakke sursildkrydder
Slik gjer du det
Legg spekesilda nokre timar i fersk mjølk. Skyl silda godt i kaldt vatn og tørk den godt.
Varm opp vatnet til sukkeret har smelta og avkjøl blandinga. Sildebitane leggast lagvis på glas i lag med tynne laukringar og krydderblandinga. Slå over laken.
Sursilda bør stå kjølig i eitt til to døgn før den kan nytast.
