- Me ønskjer å gi politikarane sjansen til å velje mellom alternativ med ulik prislapp, seier Kjell Kvåle, prosjektleiar i Statens vegvesen for den nye E39-trasé gjennom Nordfjord.
- LES OGSÅ:
Opseth uforståande
Kjell Opseth er leiar i selskapet som jobbar med å få på plass ei bru mellom Anda og Lote, og stiller seg undrande til at Statens vegvesen seier at ferje kan kome til å bli løysinga også i framtida.
- Det som er sikkert, er at bruselskapet kjem til å jobbe for at brua kjem på plass. Ei bru vil knyte tettstadene i Nordfjord betre saman enn noko anna alternativ, seier den tidlegare samferdsleministeren frå Arbeidarpartiet.
Intens kamp
Det pågår ein intens kamp mellom kommunane i midtre og indre Nordfjord om kven som skal få stamvegen i framtida. I dag går E39 via Gloppen og Eid, men kan bli erstatta med stamveg gjennom Stryn.
Både i indre og midtre Nordfjord ønskjer folk seg ein ferjefri veg, men Statens vegvesen utelukkar altså ikkje at ferja over Nordfjorden blir verande også i framtida.
Det er Regjeringa som avgjer om ferja skal erstattast eller ikkje.
(Artikkelen held fram under kartet.)
Kan leve med ferja
Ordførar i Gloppen, Anders Ryssdal, seier at han kan godta ferje som ei mellombels løysing.
- Til brua er på plass må vi ha ferjeavgangar kvart 20. minutt, ikkje kvar halvtime som i dag, seier Sp-ordføraren.
Statens vegvesen skal leggje fram sitt prioriterte trasèval på eit møte med ordførarane i Nordfjord i slutten av månaden. Der blir den samfunnsmessige analysen lagd fram. Politikarane legg stor vekt på denne analysen når dei skal bestemme seg.
- LES OGSÅ: