– Det er vatn i alle rom og det står 10–15 centimeter opp på veggane. Ting flyt på golvet. Det første vi gjorde var å kutte straumen, for det var litt leidningar som låg i vatnet, seier Sissel Hals som er kasserer i klubben.
Klubbhuset til pistolklubben ligg i Kråkenesmarka i Førde. Det er mange år sidan noko liknande har skjedd her, men store nedbørsmengder i kveld har gjort til at ein bekk ikkje har tatt unna alt vatnet.
– Det er ein bekk som har som har tetta seg til. Vi har fått opna opp for vatnet utvendig slik at vi har klart å hindre at meir fløymer inn.
- LES OGSÅ:
Dei er fem frå pistolklubben og to frå kommunen som er på staden. Brannvesenet har også kome til for å pumpe ut vatnet.
– Vi har fått pumpe og 25 sandsekkar, seier ho.
Dei må rive opp golvbelegget for å få tørke opp golvet. Dermed har dei fleire timar arbeid i vente.
– Det verste er å få tørka opp alt som er fuktig fordi vatnet har stått så høgt på veggane. Vi må tørke opp frå botnen. I tillegg er ein del rekvisita skadd.
Også i Florø har brannvesenet vore ute. I eit bustadhus stod vatnet 27 centimeter høgt i kjellaren.
- LES OGSÅ:
- LES OGSÅ: