21 filmar vart vurdert av juryen på Q-filmfestivalen på Sandane i helga.
- Vi er veldig godt nøgd med heile festivalen, seier leiar Christine Schwarz.
Sjuande festivalen
Dette er det sjuande året Q-film-festivalen blir arrangert på Sandane. Festivalen blir arrangert av medialina på Firda vidaregåande skule.
I år var temaet komedie, og 18-åringane Erlend Eide og Pål Djupegot stakk av med både prisen for beste komedie og publikumsprisen.
- Vi hadde godt og vel hundre folk innom, og det er vi godt nøgd med, seier Schwarz..
Positiv respons
- No er eg sliten, men veldig glad, seier Schwarz.
Ho fortel at dei har fått god respons, og meiner dei har klart jobben veldig bra for å vere sju jenter.
- Vi er blitt inspirert til å lage meir film vi. Spesielt etter foredraget til Geir Henningh Hopland som har regissert musikkfilmar og kortfilmar. Han fortalte at ein ikkje treng å ha så mange pengar for å kunne lage god film, seier leiaren for filmfestivalen.
No ventar rapportskriving og budsjettgjennomgang.
- Vi trur vi har klart oss ganske bra i høve budjsettet som var på 60 000 kroner. Men vi har ikkje gått gjennom det enno, så vi får sjå, seier Schwarz..