Kjell Haugland har jobba i eitt år med å utvikle denne utdanninga. Før det var det møte med reperesentantar for industribedrifter i Nordfjord for å få utdanninga i tråd med deira behov.
Stadig meir automatisering
Stein Bjørhovde er styreleiar i AMT på Nordfjordeid, ei verksemd som leverer deler til Vest-Busscar i Stryn. Han seier at hans bedrift har arbeidd målretta for å automatisere produksjonen mest mogeleg for å møte konkurransen frå mellom anna Aust-Europa. - Men for å kunne nytte slik teknologi er vi heilt avhengige av tilsette som har opplæring i automasjon, seier Bjørhovde.
Mangel på fagfolk
Det er for få som har denne utdanninga. 25% av produksjonen AMT har av busskomponentar blir i dag utført av robotar og anna form for automatisering. Med meir tilgang på arbeidskraft med kunnskap om automasjon kunne vi ha produsert 75% med robotar, seier Bjørhovde.
12 elevar frå hausten
Eid vidaregåande skule satsar på ei klasse på 12 elevar frå hausten, og set no i gang med å marknadsføre tilbodet blant dei elevane som no søkjer seg vidare frå grunnkursa.
- Godt samarbeid
Kjell Haugland seier skulen har hatt eit svært godt samarbeid med to bedrifter - AMT og Ekornes Grodås. Der har folk alltid stilt opp når vi har hatt behov for det, seier han.
