Unge Venstre fryktar dei eldre et opp pensjonen – vil unngå «generasjon nullpensjon»

Hopp til innhold

– Det er fint at folk er friskare og lever lenger, men eldre veljarar må ta innover seg realitetane, seier Sondre Hansmark, leiar i Unge Venstre.

I dag er det vel 600.000 nordmenn som er eldre enn 70 år. I 2060 vil talet vere 1,3 millionar.

Same år kan eitt av fire årsverk i arbeidslivet vere innan helse og omsorg.

Det viser utrekningar SSB har gjort, og det er det forsiktige anslaget. Talet kan også vere så høgt som 40 prosent.

Dette er bakgrunnen for den «velferdskrisa» Hansmark ser kome.

– Folk må stå lenger i arbeid. Då vi laga dagens pensjonssystem, var det ingen som venta at folk kom til å vere pensjonistar i så mange år som i dag, seier han.

Han legg til at folk må senke krava til velferdsytingar og bu seg på å betale for helsetenester:

– Vi må ta grep alt no. Elles kan vi bli fyrste «generasjon nullpensjon», seier han.

Margret Hagerup (H) i arbeids- og sosialkomiteen skriv i ein kronikk i Aftenbladet at plikta til å fråtre ved særaldersgrense er «overmoden for å fjernast».

– I dagens samfunn er folk friskare og lev lengre, det vert fødd færre barn og samfunnet treng fleire hender i arbeid. Då er det bakvendt å tvinge folk som både kan og vil jobbe, ut av arbeidslivet, skriv ho.

– Svaret er ikkje å kutte seg inn i framtida

Astrid Hoem er leiar i AUF. Ho deler uroa, men ikkje svara.

– Eg er redd vi kan bli den første generasjonen som får færre moglegheiter enn foreldra våre, seier ho.

Ho legg til:

– Men svaret er ikkje å kutte seg inn i framtida. Eg trur vi er nøydde til å byggje ut velferdsstaten.

Statsminister Erna Solberg og Ap-leiar Jonas Gahr Støre sa til NRK i august at ny velferdsteknologi vil kompensere for alle hendene som vil vere naudsynte.

– Med ny teknologi så kan vi greie det, sa Støre.

Sentrale løfter for eldreomsorga etter valet:

Utdrag frå ulike parti sine valløfte innan eldreomsorg i 2021.

Ap:

Heimeteneste-reform for å gjere det best mogleg å bu heime så lenge ein kan og ynskjer det.
Sette krav til at kommunale tilbod heng saman på ein slik måte at eldre får meir fridom til kor dei vil reise med offentleg transport, kva slags mat dei ynskjer og når og korleis dei tek imot heimetenester.
Ansvaret for eldre skal varetakast av mindre faste team, brukarane skal få påverke tilbodet meir.

Høgre:

Innføre byterett for eldre som bur på sjukeheim, eller tek imot heimehjelpstenester i tilfelle dei ikkje er nøgde med tilbodet dei får.
Fleire eldre skal få bu heime lenger.
Faste team som sikrar større fleksibilitet og færre pleiarar å halde seg til for eldre og pårørande.
Gjennomføre kvalitetsreforma «Leve heile livet» i alle landets kommunar.

Senterpartiet:

Eldre må få bu i eigen bustad lengst mogleg om dei kan og vil.
EI behovsstyrt eldreomsorg med tillitsbasert lokal leiing.
Sikre eit dagsaktivitet-tilbod for alle med behov for det.

Framstegspartiet:

Fritt brukarval på heimehjelp og sjukeheim.
Eldre må sjølv få bestemme når dei skal stå topp, legge seg, kva dei skal ete, og så langt som råd få leve livet slik dei sjølv ynskjer det.
Eldre skal sjølv velje kven som skal gi pleie, og kva eldreheim dei vil bu på.
Om ein vil ta mot pleie frå familiemedlemmer eller andre, skal det offentlege betale.

Sosialistisk Venstreparti:

Ha meir valfridom. Eldre som treng offentlege tenester, bør ha meir innverknad over kva tida skal brukast til, og når dei vil ha hjelp.
Sikre finansieringa av fleire sjukeheimsplassar, og i samarbeid med tilsette innføre kvalitets- og kompetansebaserte bemanningsnormer i eldreomsorg.
at eldre som bur heime, skal få tilstrekkelege heimetenester. SV vil sikre oppbemanning i heimetenesta i kommunane og leggje til rette for at eldre kan bu heime og ha eit aktivt og sjølvstendig liv.
Ha fleire dagaktivitetsplassar for at einslege eldre får eit sosialt liv.

Venstre:

Vi vil støtte opp om nye, varierte buformer som legg opp til sosialt fellesskap og aktivitet i kvardagen.
Vi vil satse på heimetrening.
Alle som ynskjer det, skal ha eigne rom på sjukeheim. Der personar med behov for helsehjelp vil bu saman, vil vi legge til rette for det.
Gi eldre større fridom og sjølvråderett i kvardagen.

Miljøpartiet Dei Grøne:

Innføre ei tidskontoordning for heimetenester til eldre og uføre slik at dei i større grad kan styre sin eigen kvardag ut frå eigne behov.
I større grad legge vekt på mat som medisin og tilsette fleire kliniske ernæringsfysiologar ved sjukeheimar, heimetenester og helsestasjonar
Etablere fleire hospice som gir eit godt og verdig tilbod til døyande.
Legge til rette for at folk kan få døy heime om dei ynskjer det gjennom god, kommunal tilrettelegging for ein verdig omsorg for døyande
Auke bruken av musikk-, sanse- og kunstterapi på sjukeheimane.

Kristeleg Folkeparti:

Syte for at eldre i institusjonar får moglegheita til å leve eit mest mogleg normalt liv, med normal døgnrytme, sosial kontakt og moglegheit til å kome seg ut i frisk luft.
Gi ektepar moglegheit til å bu på same sjukeheim, sjølv om den eine ikkje har like store behov for pleie
Gjennomføre ei avlastings-reform, der fastlegen kan pålegge kommunen å gi avlasting til pårørande, og pålegget vert følgt av midlar frå folketrygda.
Gjennomføre ein økonomisk forpliktande opptrappingsplan for bemanning i eldreomsorga, og utvikle ei rettleiande minstenorm for bemanning og kompetanse i sjukeheim og heimetenester.

Raudt:

Auke dekningsgraden av sjukeheimsplassar og omsorgsbustadar med heildøgnsbemanning.
Auke grunnbemanninga på dagens sjukeheim og i heimebaserte tenester.
At eldre som ynskjer det, må få moglegheit til å bu heime så lenge dei kan og vil. At dei får eit offentleg gratistilbod, og den praktiske hjelpa som trengst til å klare det.

Draumen til Gerhardsen

Det såkalla Hagen-utvalet definerte velferdsteknologi som teknologisk assistanse som bidrar til tryggleik, sosial deltaking, mobilitet og «og styrker evna til å klare seg sjølv i kvardagen trass i sjukdom og sosial, psykisk eller fysisk nedsett funksjonsevne».

Professor ved senter for omsorgsforsking, Oddvar Førland, var meir atterhaldsam.

– Teknologien kan ikkje hjelpe folk å bevege seg, få mat og drikke, eller skaffe hjelp på toalettet, sa han.

AUF-leiaren meiner eldreløftet fyrst og fremst er eit spørsmål om vilje.

– Eg trur ikkje Gerhardsen spurte om vi hadde råd til det då han drøymde om velferdsstaten. Han sa: Det må vi ha råd til.

Kva meiner partia om:

Eldrebølga?

Tanja er den einaste jenta på biletet som har flytta heim

Nær ein av tre norske kommunar hadde 20 eller færre fødslar i fjor.

Les saken

Familien Selvaag flyttet fra Oslo til Lillehammer.

Forskning viser at koronalivet er bedre i distriktet: – Det ble kvelende å være i Oslo

De drømte om mer luft og natur, og mindre nedstengt by. En ny studie slår fast at folk i storbyen har slitt mest.

Les saken

Truls Bernhardsen vil helst bli buande i Kariel i Finnmark

Dei fleste bygdeungdom er som Truls. Dei vil bu, leve og døy på bygda.

Det er ikkje slik at alle bygdeungdommar vil flytte til byen. Fleirtalet vil helst bli buande på bygda, viser ei fersk undersøking. Men dei stiller nokre krav.

Les saken

Legestudenten Marja er like viktig for helsen som for et truet språk

Marja-Elina Varsi har gjort som tusenvis av andre samer: Flyttet fra bygda til byen. Nå håper ordføreren i hjemkommunen at hun kommer tilbake.

Les saken

Sunniva Antonsen Remmen (26) er finansanalytiker og jobber fra Træna, hvor hun er fra.

Sunniva jobber med finans for San Francisco-selskap fra øy med 400 innbyggere

Hun begynte med hjemmekontor hos foreldrene da pandemien brøt ut. Nå har Sunniva Antonsen Remmen (26) kjøpt seg hus på Træna.

Les saken

Mathilde Leivseth, den store folkevandringa, hamarøy, befolkningsfremskriving, telemarksforskning, ssb.

SSB mener Mathildes (20) hjemkommune skal vokse – forsker mener det er en grov bom

SSB spår vekst i folketallet i Hamarøy og mange andre kommuner i distriktene de neste 20 årene. Forsker mener SSB tar systematisk feil og mener de vil få en mye større nedgang.

Les saken