Instagram er ei av dei mest populære bildedelingstenestene på internett. Tenesta skil seg ut ved at det berre er mogleg å ta bilete i kvadratisk format, etter mal frå dei gamle polaroidkamera.
For dei unge handlar det om å ta seg best mogleg ut.
– I alle fall som jente, så er det press på å sjå fin ut på Instagram. Gutar spesielt vil ta meir ta kontakt med deg, viss du har ein fin Instagram-profil, eller ser fin ut på nettet, seier Emilie Sunde, elev på Hafstad vidaregåande skule.
- Les også:
- Les også:
Opprettar to profilar
Snart 19 år gamal har ho, som dei fleste jamaldringar, blottlagt liva sine på bildedelingstenesta Instagram. Målet er flest mogleg likes.
Men avgangselevane på Hafstad vidaregåande i Førde er også del av ei ny trend. Dei har to profilar. Ein alle kan sjå, og ein mindre strigla, privat profil.
– Der er det litt meir for dei næraste personane som kjenner meg og litt meir «ushina» bilete, som ikkje ville fått like mange likes på den offentlege profilen, seier Sunde.
- Les også:
- Les også:
Utdanningsdirektøren er uroa
Trenden på sosiale media overraskar – og uroar utdanningsdirektør John Ole Vange.
UROA: Utdanningsdirektør John Ole Vange likar ikkje trenden på sosiale media.
Foto: Eli Eikensæ Vengen / NRK– Det er eit press på dei unge i samfunnet på å bli akseptert av jamaldrande. Det er litt tvilsamt at det skal vere viktig å få likes for å byggje opp eige sjølvbilete, seier han.
Elev Emilie Sunde seier korleis du står fram på internett, har mykje å seie for den sosiale statusen på skulen.
– Eg trur folk lett kan falle utanfor, viss dei ikkje får så mange likes. Du får ikkje den godkjenninga, på same måte som ein som får hundre likes, seier ho.
