Tusenvis står klare til å hjelpe

Påska er sjølve høgtida for å boltre seg i fjellet, men mange nyttar den også til å legge ut på årets første båttur.

Som til fjells, kan fallgruvene vere mange. Og ikkje berre veravhengige.

• LES OGSÅ: Hjelpekorpsa sine påsketips
• LES OGSÅ: Dei beste råda til påskebilistane

– Det er starten på båtsesongen, og ikkje alle hugsar på alt. Det kan gå tett i eit filter og noko kan ryke. For enkelte delar kan vere meir slite enn venta, åtvarar Martin Malkenes i Redningsselskapet Sogn og Fjordane.

Kvikk lunsj på sjøen

– Det er mange som tek med seg appelsin og Kvikk Lunsj på sjøen i påska, legg Malkenes til.

• SJÅ: Slik blir vêret i påskefjellet
• LES OGSÅ: Bør du passe deg for sola?

For også Redningsselskapet merkar godt auka aktivitet påskeveka. Dei har ikkje eksakte tal for perioden, men skilnaden i tal oppdrag frå mars til april blir forklart med høgtida.

• LES OGSÅ:

Redningsselskapet sin statistikk for Vest-, Sør- og Aust-Norge viser 707 oppdrag i april månad siste fire åra. Samla har 1.302 personar fått assistanse. I 2012 vart 91 oppdrag i mars til 379 oppdrag i april.

– Sjekk grundig

I år er det tidleg påske, og is i Oslofjorden, samt delvis i Østfold, Vestfold, Telemark og Agder, gjer at Redningsselskapet ventar noko mindre utfart her. Vestlandet er derimot isfritt.

• LES OGSÅ: Frivillig arbeid for 100 milliardar kroner
• LES OGSÅ: Thorolf (72) vart berga etter eit tre timar langt iskaldt smertehelvete

For å unngå å bli del av statistikken, oppmodar Malkenes båteigarane om å gjere grundig og godt forarbeid.

• SJÅ: Her er det betydeleg snøskredfare

– For mange er det årets første båttur, og då er det viktig å ha gjort unna førebuinga og sjekka at dei ulike delane som båten består av fungerer, seier han.

– Heilt frivillig

Både Redningsselskapet og Røde Kors Hjelpekorps er blant ni medlemer i Frivillige Organisasjoners Redningsfaglige Forum. Saman er dei engasjerte i den norske redningstenesta. Både hjelpekorpset og Norsk Folkehjelp står klare for å hjelpe til i påskefjellet.

• SJÅ: Her er det beste skiføret

I år er det 60 år sidan Norges Røde Kors etablerte sin første informasjonssentral på påskefjellet. Det skjedde på Golsfjellet i 1953.

• SJEKK: Skredfaren på varsom.no

I år vil til saman 723 aktive hjelpekorpsarar frå 160 lokale hjelpekorps i 16 distrikt, vere på vakt.

– Mange trur at dei frivillige får lønn, spesielt når dei er i hjelpekorpsuniform, men slik er det ikkje. Alle som er på vakt i påska nyttar si eiga fritid for å vere til stades for andre, seier Stian Antonsen, distriktsrådsleiar i Sogn og Fjordane Hjelpekorps.

– Mest hektiske tida

Røde Kors Hjelpekorps har særskilt lokalisert seg til dei mest travle utfartsstadane i samband med ski- og fjellområde. I tillegg står nær 12.000 frivillige hjelpekorpsarar klare om noko skulle skje.

• LES OGSÅ: Rekordmange vitjar turisthyttene
• LES OGSÅ: Merkar 6.000 km løyper i påskefjellet

Påskeveka plar vere den mest hektiske perioden for Røde Kors Hjelpekorps. Folk går seg vekk, blir overraska av dårleg vêr, blir tekne av snøskred eller kan skade seg.

– Årleg nasjonale tal aksjonar har sidan 2009 vore på over 950. Kring 200 av desse er i løpet av påska, avsluttar Antonsen.