Helge Dyrrdal i Ortnevik opplevde fredag at menn som framstilte seg som knivsliparar, truga til seg 50.000 kroner. Medan mennene stod over han, måtte Dyrrdal overføre pengane i nettbanken.
- LES SAKA:
No viser det seg at han ikkje er åleine om å oppleve dette. Fleire titals personar skal ha vore utsett for det same, skriv firda.no:
Are Sæbø Øvreås gjekk med på å køyre til kontoret for å gjere ein transaksjon på 20.000. Svindlarane følgde i bilen bak.
– Eg fekk knipsa skiltnummeret med telefonen, og ringde politiet. Eg forklarte at eg hadde svindlarane etter meg og følte meg trua. Men då fekk eg beskjed om at det var ei sivilrettsleg sak, og ikkje eit politisak. Etter tre telefonar foreslo konstituert lensmann i Høyanger og Balestrand at eg betalte dei 3000 og kanskje blei kvitt dei, fortel han til avisa.
- LES OGSÅ:
Overfor Firda seier fungerande politimeister Knut Broberg at bedrageri på generell basis ikkje er førsteprioritet.
Konstituert lensmann Kåre Jan Hofrenning i Høyanger viser til at dei har jobba med saka i ettertid, og at dei veit om liknande tilfelle i Høyanger og Gulen – i tillegg til andre stader i Hordaland, Sunnfjord og Nordfjord.