Treng kraft for å sikre ny industri

Fredag sat han i møte med Lefdal gruve som ønskjer å lage senter for datalagring inne i gruva. Kommunane Eid og Vågsøy håpar datalagringsprosjektet i Lefdal gruve kan gje kring 200 arbeidsplassar.

Asgeir Aase meiner ei trygg kraftforsyning er viktig for å etablere nye industriprosjekt til fylket.

– Det er kundar som skal ha svære uttak og det handlar om enorm lokal verdiskaping. Vi konkurrerer med andre og for at vi skal greie å vere på banen internasjonalt, er dette vesentleg. Utan ei solid kraflevering, vi vil enkelt og greitt tape.

• LES OGSÅ: Dataprosjekt får statleg konkurrent
• LES OGSÅ: SFE kjøper seg inn i datagruve

Olje- og energiminister Ola Borten Moe (Sp) la fredag fram ei stortingsmelding med regjeringa sitt forslag til å forenkle prosessen med å bygge kraftlinjer. I forslaget blir det lagt opp til at regjeringa skal inn i avgjerdsprosessen på eit langt tidlegare tidspunkt. Det er også føresleg at klageretten blir teken vekk og erstatta av ein høyringsrunde.

Nettdirektøren meiner det er på tide at vedtak om nye kraftlinjer går kjappare.

– Dette er svært viktig både av omsyn til tryggleiken rundt straumforsyninga og for verdiskapinga. Vi har eit hundretals prosjekt som står på vent, fordi det ikkje er nok kapasitet i nettet, seier Aase.

• LES OGSÅ: Kan bli enklare og raskare å byggje kraftlinjer
• LES OGSÅ: Kan bli verdas grønaste datasenter