– Sjå der, ja! Dei var veldig flotte!
Elevane på 7. trinn ved Slåtten skule i Førde har invitert med seg kunstnar og musikar Oddvar Torsheim ut i nynorskens skog. For på turstien bak skulen har dei laga ein fabelsti inspirert av Oddvar Torsheim og Ivar Aasen.
– Det er ein urban jungel. Det er eit kunstverk heile stien, og eit veldig godt påfunn, seier Torsheim entusiastisk.
No kan også andre turgåarar sjå avslutningsprosjektet.
– Me har blitt inspirert av Torsheim, sett på hans idear og kome fram til noko som er vårt men inspirert av han, seier Sara Vik Søvde, som er elev i klassen.
– Handverksmessig er det veldig mykje bra arbeid her, seier Torsheim.