Kor mange tusen bilete han har teke veit ikkje ein gong kunstnaren sjølv. Jølster 2008 er ein kommune - frå nyttår til nyttår, samla i bilete.
Portrett i fokus
Så godt som kvar dag i 2008 har den prisløna BT-fotografen jobba - berre med dette. Her er bilete utan menneske, og her er bilete med dyr. Men det er portrettet som står i fokus. Det oppstilte portrettet, og gruppeportrettet, er ein sjanger Apneseth har hatt ønskje om å føre vidare.
Stinn brakke
Nokre av bileta er no stilt ut på Eikaasgalleriet - i Jølster, og på opninga fredag kveld var det i følgje Firda så fullt at mange ikkje kom innanfor dørene til opningsseremonien.
Snart skal nye utval av Jølster 2008 visast fram i Bergen og på Henie Onstad-senteret i Oslo.