Tekst og foto: Arild Nybø.
Sjå tautrekkinga frå Stian Grimseth Cup 2004
Politikarane hadde planlagt teknikken, medan fem av verdas sterkaste stilte med kraft og tyngde. Ei stund var det temmeleg jamnt...
Oppvarming
Hossein Reza Zadeh frå Iran, Stian Grimseth frå Naustdal og resten av laget stilte med ei viss overvekt. (Foto: Arild Nybø)
Drakampen fann stad fredag som oppvarming til Stian Grimseth Cup. På det åtte personar sterke laget frå Sunnfjord stilte Førde-ordførar Nils Gjerland i spissen forskriftsmessig iført refleksvest, hjelm og hanskar, tett fulgt av varaordførar Norvall Nøringset. Laget hadde i dette høvet inngått interkommunalt samarbeid med Naustdal som stilte med ordførar Jan Herstad. Han sto bakerst, i livsfårleg posisjon med tauet knytt rundt livet.
Verdsmeistrar
På det andre laget var verdas sterkaste menn, med meistrar frå både OL og EM. Fremst sto iranske Hossein Reza Zadeh som er regjerande olympisk meister i vekløfting, fulgt av naustedølen Stian Grimseth og russaren Andrei Chemerkin som vart olympisk meister i 1996. Baktroppen besto av polske Grzegorz Kletztz og Victor Cherebathis frå Latvia som tok VM-bronse i 2003. Taktikken deira var å halde og dra. Spørsmålet var om dei også kunne dra bortetter medan dei er vande med å løfte oppetter. Motstandarane satsa på den meir bakoverlente stilen.
- Urettferdig
Første runde vart klaga inn for dommaren sidan politikarlaget stilte med hanskar. Deretter fekk tungvektarane også utdelt nokre par med hanskar, og dermed var det klart for den verkelege kraftprøva.
Men sigeren var slett ikkje enkel. Sjå bileta:
Sjå tautrekkinga frå Stian Grimseth Cup 2004
Vanskar med å sjå fotogalleriet?
Du må ha slått av reklameblokkering for å kunne sjå peikaren ovanfor med teksten «Sjå tautrekkinga frå Stian Grimseth Cup 2004», og du må ha slått av sprett-opp-blokkering (pop-up) for å få opp eit sprett-opp-vindauge med galleriet. (Biletgalleriet inneheld ikkje reklame, men ein del tryggingsprogram som t.d. Norton Security 2004, stengjer også for høvet til å sjå fotogalleri dessverre.)
For avanserte brukarar
Om du er ein avansert brukar kan du slå av sprett-opp-sperra og leggje inn nrk.no som godkjent domene, der du tillet strengen «http:» som lovleg under «Reklameblokkering».