I Jølster i Sogn og Fjordane skurrar radioen når ordførar Oddmund Klakegg (Sp) kjem inn i ein tunnel.
I april vart 13 menneske frakta til sjukehus etter ein tunnelbrann i den seks kilometer lange Fjærlandstunnelen, eit par kilometer oppe i dalen.
– Brannen er ei påminning om kor sårbare vi er, sa samferdsleminister Ketil Solvik-Olsen (Frp) etter ulukka.
Denne tunnelen har ikkje dekning for FM-radio i dag, og vil difor heller ikkje få DAB- og naudnettdekning med det første.
– Mange gamle tunnelar utset trafikantane for fare. Spesielt fordi det ikkje er kommunikasjon for dei vegfarande, seier Jølster-ordførar Klakegg.
I Noreg er det 1100 tunnelar. Av dei har 335 DAB-dekning.
I løpet av året blir FM-nettet sløkt i heile landet. 21. juni forsvinn dekninga i fire fylke, blant andre Sogn og Fjordane.
Vil ha betre kommunikasjon
Mange av tunnelane som manglar dekning er så korte at dei aldri vil bli utbygd heller. *
Men alle nye tunnelar som blir bygde har både DAB- og naudnett. Også alle gamle tunnelar som har hatt FM-dekning før, skal få signal for det nye systemet etter kvart.
Der tunnelane har dekning, kan naudetatane snakke frå ein telefon rett inn på radioen til bilar som er inne i tunnelen om noko skulle skje.
– Om det blir røykutvikling i ein tunnel kan vi til dømes be folk om å ta seg ut den andre vegen, forklarer Sveinung Hovland frå Vegvesenet.
DIREKTEMELDING: Med DAB-dekning har vegvesenet moglegheit til å sende meldingar direkte til trafikantane, uansett kva kanal dei høyrer på.
Foto: Oddmund Haugen / NRKUnder tunnelbrannen i Fjærlandstunnellen oppstod det kaos, og fleire gjekk i feil retning i røyken.
Det ynskjer ein å unngå med betre dekning.
– Vi bygger gjerne ut meir om vi får pengar. Hovdetunnellen som er under oppgradering no, er 1300 meter. Der kostar det 1,5 millionar kroner å bygge ut naudnett og dab-dekning, fortel Sveinung Hovland frå Vegvesenet.
Der skal nettet etter planen bli bygd ut allereie i september.
FOR TRYGGLEIKEN: Sveinung Hovland frå vegvesenet seier dei gjerne vil bygge ut naudnett og DAB-dekning i tunnelane fortare dersom dei får pengar til det.
Foto: Oddmund Haugen / NRKSiktar mot 2025
Vegvesenet har som mål å bygge ut dekninga i riksvegtunnelane innan 2023.
I MØRKET: Ordførar Oddmund Klakegg (Sp) i Jølster vil ha fart på utbygginga av DAB og naudnett i dei gamle tunnelane.
Foto: Oddmund Haugen / NRKDet er ikkje raskt nok, meiner ordføraren i Jølster.
– Vi har teknologien, vi veit kva det kostar. Vi ynskjer utbygging av DAB-dekninga i mykje raskare tempo, spesielt her i dei litt farlege tunnelane bygde på 70- og 80-talet, seier Oddmund Klakegg.
Meir om beredskap i tunnelar:
