– Han har fått eit barn under 16 år til å utføre seksuelle handlingar med seg sjølv via internett, seier politiadvokat Knut Broberg.
- LES OGSÅ:
Saka skal opp i Fjordane tingrett i byrjinga av mars. Politiadvokaten vil ikkje førehandsprosedere ei eventuell straff, men ser på saka som svært alvorleg.
Naken framfor webkamera
Mannen bad jenta posere og om å gjere seksuelle handlingar framfor webkamera. Han bad henne også sende fleire bilete av seg, der ho var naken og i ulike stillingar. Desse bileta fann politiet på datamaskina hans.
– Vi har tatt beslag i ein del bilete av jenta som er å ansjå som straffbare fordi dei viser barn i seksualiserte forhold, seier Broberg.
- LES OGSÅ:
- LES OGSÅ:
Mannen var klar over alderen til jenta. Broberg seier dette er ei uvanleg overgrepssak som skal opp i tingretten.
Foreldra varsla
Dei to møtte kvarandre på chatteprogrammet MSN Messenger, men etterkvart oppdaga foreldra at chattinga hadde utvikla seg og gjekk til politiet.
– Ein av foreldra oppdaga kva som hadde skjedd og kva slags kontakt barnet hadde hatt med denne mannen via internett. Dei tok då kontakt med politiet, seier Broberg.
- LES OGSÅ:
Broberg seier at overgrep over internett kan medføre psykiske problem på lik linje med eit fysisk overgrep.
– Etterreaksjonar
– Den som er involvert får gjerne etterreaksjonar. Dei er gjerne med på det frivillig, og blir ikkje klar over at dei i realiteten er utsett for overgrep før i ettertid, seier Broberg.
Forsvararen til mannen, Walter Høivik, seier at han ikkje har fått saksdokumenta frå politiet og at han difor ikkje kan kommentere saka.