Trua med å skade seg sjølv
I forklaringa til tiltalte kjem det fram at han trua med å skade seg sjølv dersom overgrepsoffer ikkje sende bilde på Snap. – Eg veit ikkje kvifor eg gjorde det, seier tiltalte i retten.
-
-
– Han sa han var sju år
Tiltalte blir no pressa av aktor til å gå i detaljar på korleis han blei kjend med dei ulike barna. Fleire av barna møtte han først gjennom spelet Fortnite. – Kor gamal sa guten at han var? – Han sa han var sju år, seier tiltalte.
-
Syner fram meldingar
Aktor går no igjennom ulike chattar titalte har hatt med mindreårige på Snap. Det er vanskeleg for tiltalte å forklare seg om dei enkelte meldingane. I meldingane krev han at den mindreårige skal ta seksualiserte bilete av seg sjølv.
-
Pause i retten
Retten har no pause i ein times tid før aktor skal starte si utspørjing av tiltalte.
-
Hadde mange følgarar
Tiltalte forklarer at han hadde over 15.000 følgjarar på Tiktok og at det var slik han kom i kontakt med barna han forgreip seg på. Han fekk mange av følgarane til å legge han til på Snap. Det var i stor grad der nettovergrepa skjedde.
-
Fornærma forklarar seg
Mannen i 20-åra har no starta si forklaring om forholda han har innrømma. Han fortel at han i 2019 brukte mykje av tida si på telefonen og at han ikkje var i arbeid. Overgrepa han har innrømma skjedde i stor grad via mobiltelefon.
-
Tre fornærma utanfor Noreg
Det er gjennomført i alt 17 avhøyr av barn rundt om i Noreg i samband med saka. To av desse i Danmark og eitt i Sverige. – Vi har halde oss til saker i Skandinavia. Men vi trur det er fleire offer også i andre land, seier aktor.
-
Fekk politimelding frå Østfold
Ein far i Østfold var den første som melde tiltalte til politiet. Meldinga førte til at politiet kunne gå til aksjon mot sogningen i 20-åra. – Det kom raskt mistanke om at det kunne dreie seg om mange saker, seier aktor Sissel Kleiven.
-
Innrømmer Tiktok-overgrep
Tiltalte innrømmer at han brukte chattefunksjonen i Tiktok til å utføre overgrep mot mindreårige gutar. Blant anna sende han meldingar der han sa til gutar at han var forelska i dei og ønska å ligge i senga med dei og gjere «kjæresteting».
Foto: Geir Bjarte Hjetland / NRK -
Aktor les opp tiltalen
Aktor Sissel Kleiven les no opp tiltalen mot den overgrepstiltalte mannen. Han innrømmer straffskuld for fleire av dei grove overgrepa. Han fekk mindreårige gutar til å utføre seksuelle handlingar på seg sjølv via Snap og andre sosiale medium.
Foto: Geir Bjarte Hjetland / NRK