46-åringen har og jobba innan organisasjonsliv, privat næringsliv, politisk verksemd og mediebransjen, opplyser Slottet.
Ho har tidlegare arbeidd som journalist i TV 2 og vore informasjonssjef i Arbeidsgiverforeningen Spekter. I perioden 1997–99 var ho tilsett i Sosialistisk Venstreparti.
Varpe vaks opp i Ålesund og Bodø, og er no busett i Oslo.
Ho er utdanna cand.mag. med faga historie og samanliknande politikk frå Universitetet i Bergen, og er dotter til tidlegare Firda-redaktør Jarle Varpe.
– Det har vore stor interesse for stillinga med mange gode kandidatar, seier fungerande kommunikasjonssjef Ole Edvard Wold Reitan ved Slottet til Kampanje.
Guri Ofstad Varpe startar i den nye stillinga 1. juni og kjem frå stillinga som direktør i Burson-Marsteller der ho har leia medieavdelinga til PR-byrået. Ho tek over etter Marianne Hagen som i november i fjor vart statssekretær i Utenriksdepartementet.
Stillinga som informasjonssjef for Slottets kommunikasjonssjef er ei utfordrande oppgåve. PR-handteringa etter det nylege Se og Hør-oppslaget om Marius Borg Høiby har blitt kritisert av fleire ekspertar.
Fleire meinte kronprinsparet og kommunikasjonsavdelinga sjølve bidrog til å gi Se og Hørs framsideoppslag større merksemd, skriv Kampanje.