Tunnelen har vore stengd sidan 15. juli då ein tankbil mista hengaren som hamna i fjellveggen. Hengaren var lasta med 16 500 liter bensin som tok fyr.
Det har vore lange omkøyringar på grunna av den stengde tunnelen. No får mange bilistar ein enklare kvardag. Seksjonsleiar i Statens vegvesen, Margot Åsebø, seier det blir 10 kolonner kvar dag.
– Vi starta klokka seks i dag tidleg. Vi har trafikkvakter ved begge endane og det blir køyrt kolonne med ledebil gjennom tunnelen.
Ho seier dei vurderer det som trygt å sende kolonner gjennom tunnelen, sjølv om den ikkje er ferdig utbetra.
– Ja, det er trygt, men det blitt litt heft for entreprenøren som hadde jobba raskare utan kolonner. Men vi tykkjer det er viktig å gjere kvardagen enklare for alle som brukar vegen til dagleg.
- Les også:
Det er store og omfattande skader i tunnelen etter brannen. Åsebø seier dei har teke vekk 600 meter med øydelagt betong, stål og skum.
– Dette er reinska heilt ut og må erstattast. Det er også mange andre skader, som på lys-og vifteanlegg.
Tunnelen blir mest truleg opna for ordinær ferdsel i desember.
– Arbeidet går bra, så eg trur vi klarer målet vårt, seier ho.
- Les også:
- Les også: