Terje såg flyet skli av rullebanen

Dessutan vart seks personar alvorleg skadd då flyet frå færøyske Atlantic Airways køyrde av rullebanen på Stord lufthamn Sørstokken.

Klokka 07.30 10. oktober 2006 skulle flyet plukka opp passasjerar på ferda mellom Stavanger og Molde. Om bord var 16 personar, besetning frå Færøyane og passasjerar frå Aker Kværner i Rogaland.

Brannvaktsjefen i brann- og redningsgruppa ved Stord lufthamn, Terje Aleksandersen, gjorde klar bagasje som skulle med flyet.

Sklei av rullebanen

Brått blir Aleksandersen augevitne til ei alvorleg ulukke. For ved landing får flyet store problem.

Spoilerane på vingane feller seg ikkje ut, farten blir for høg og flyet sklir av rullebanen.

I ei skråning tek flyet fyr og brenn til slutt heilt ut.

– Det var først då eg såg halen på flyet gjekk opp at eg skjøna at flyet hadde gått utfor. Det var heilt uverkeleg, seier Aleksandersen.

• Rekonstruerte ulykken til amerikansk TV-serie

Kraftig brann

I 1998 omkom ni danskar då eit fly styrta under innflyging til Sørstokken.

Åtte år seinare er katastrofen igjen eit faktum. Aleksandersen og ein kollega vert dei første på ulukkesstaden denne dagen.

– Han som var utrykkingsleiar gjekk ned til flyet og prøvde å opna døra bak. Men den eine motoren gjekk enno og flammane kom rett på oss. Me trekte oss tilbake og prøvde å dempa brannen ovanfrå. Då brann det allereie i kabinen. Me hadde ikkje sjanse å stoppa det, fortel Aleksandersen.

– Redda liv

Litervis av drivstoff rann inn i kabinen. Kombinert med stor oksygentilførsle frå motoren som var i gang, brann det kraftig frå flyvraket i fleire timar etter havariet.

Tolv av dei seksten om bord British Aerospace 146-maskina overlevde. Myklebust er ikkje i tvil om at kollegaene hans redda fleire liv den fatale morgonen for ti år sidan.

– I løpet av to minutt hadde brannvesenet tømt to brannbilar, cirka 18.000 liter vatn, på den havarerte flykroppen. Det var vel det som gjorde at dei som overlevde klarte å koma seg ut, seier lufthamnsjef Jan Morten Myklebust.

• Piloten fulgte ikke prosedyre
• Mener flyplassen hadde alvorlige feil og mangler

Tunge år etter ulukka

Først seks år etter ulukka konkluderte Havarikommisjonen med at både flydesignet og flyplassen hadde manglar. Gjennom store investeringar har Stord lufthamn gjort ei rekkje utbetringar.

Aleksandersen seier mannskapet på flyplassen har klart seg godt etter ulukka, men åra har vore tunge.

– Det vart nesten heilt stillstand etterpå. Det var lite passasjerar, flyselskapet gjekk konkurs og det blei permitteringar. Men no har det tatt seg opp igjen. No er me ein fin gjeng som tar vare på kvarandre.