Forskarar vil finna tiltak mot dette

– Dette er jo tiltak som ingen politikarar vågar å gjennomføra. Men så lenge ein gjer det i eit modellverktøy har det ingen innverknad på livet til folk, seier forskingsleiar Lasse Pettersson ved Nansensenteret i Bergen .

Datamodellering

Frå kontoret sitt på Marineholmen kan forskarar ved Nansensenteret snart leika byutviklingspolitikarar, med frie fullmakter.

Ved hjelp av ein modell utprøvd i Paris skal ein testa ut korleis til dømes reduksjonar i vedfyring og biltrafikk vil verka inn på bylufta ulike stadar i heile Bergen.

Målet er at politikarane skal ha betre grunnlag for å setta inn tiltak.

Eit tidleg og forenkla forsøk viser allereie at det ikkje berre er Danmarks plass som er prega av dårleg luft (sjå illustrasjonen øvst i artikkelen).

Les og:

• Byluften i Bergen kan bli enda verre
• Helseskadelig luft, men ingen tiltak
• Farlig luft over Bergen denne uka
• Frykter hyppig datokjøring vil få folk til å kjøpe flere biler

Vil ha fakta på bordet

– Det er mange som er plaga av dårleg luft i Bergen. Det er kun reell kunnskap som kan fortelja oss kva som er rett og galt, seier styreleiar Christian Rieber i GC Rieber fondene, som skal betala for forskinga.

Han håpar at bystyret i Bergen kan ha stor nytte av kunnskapen forskarane kjem fram til.

Målet er at prosjektet ikkje berre skal finna fram til riktige tiltak, men òg føra til betre varsling av luftkvalitet.

– For å få best mogleg effekt må ein kanskje setja inn tiltaka ein dag før, for å oppnå best mogleg effekt, seier forskingsleiar Lasse Petterson.