Terroråtaka blir tema under årets Festspill

I dag slepper Festspillene årets program med meir enn 150 produksjonar som vert synt over 15 dagar.

Arbeidets med årets store produksjonar har tatt opp til 3–5 år. Andre programpostar grip tak i aktuelle hendingar som terroråtaka på karikaturteiknarar, fortel festspill-direktør Anders Beyer.

– Noko av det siste som har komme inn i programmet er ein debatt om ytringsfridom og kunst. Det er jo på bakgrunn av det som har skjedd i Frankrike og seinast i København.

• Sjå heile programmet for Festspillene i Bergen 2015

Kjærleik og lokale artistar

Kafka feat. Røyksopp, Orfeo, Jan Eggum, Herborg Kråkevik med kor, BIG Nightmare Music, iD m/Cirque Éloize, og konsert med dansarar for byens borgarar ved Store lungegårsvann er blant dei tidlegare annonserte arrangementa.

Blant årets store trekkplaster trekker Festspilldirektør Anders Beyer fram Ane Dahl Torp som skal spele i eit nytt verk av Nils Henrik Asheim og ein ny opera Adam & Eve–a Divine Comedy av Cecilie Ore.

Årets hovudtema «kjærleik» skal gjennomsyre mykje av programmet med opningsforestillinga Porgy and Bess, Orfeo og ein moderne versjon av Mies Julie.

– Folk skal kjenne seg forstyrra i 14 dagar på ein skikkeleg spennande måte der me leikar saman og vert klokare på kvarandre og verda, seier Beyer.