Vik kommune sine advokatar i advokatfirmaet Lund & Co vurderer om det er grunnlag for å melde Terra Securities til Økokrim.
Storkreditor i konkursbuet
Advokat Stein Erik Stinessen i Lund & Co kan ikkje seie når advokatfirmaet vil konkludere om det er grunnlag for ein slik anmeldelse, men opplyser at Lund & Co har fortløpande dialog med Jon Skjørshammer som styrer buet til det konkursråka Terra Securities. Vik er i lag med dei sju andre terrakommunane dei største kreditorane i buet.
Vik har tapt 90 millionar
Vik kommune må kutte 25 millionar kroner årleg dei neste fire åra på grunn av dei estimerte tapa på over 90 millionar kroner etter terraskandalen.
Det er politikarane i Vik som til slutt avgjer om kommunen skal melde Terra Securities til Økokrim.
Ordførar Marta Finden Halset i Vik ønskjer ikkje å kommentere saka før Lund og Co har trekt konklusjonane sine.
